XX. mendeko Euskararen Corpus estatistikoa
Testuingurua
1. Zerga-Egoera Jakinen erregularizazioari buruzko ekainaren 11ko 38/1991 Foru Dekretuaren babesean jaulkitako Foru Zor Publiko Berezia, 1993ko ekitaldian bateratua, ez da 5. artikuluan, aurreko 1 apartatuan aurrikusitako mugapenera loturik egongo eta ez da zorpetze gisa zenbatuko.
Halaber, Pertsona Fisikoen Errentaren gaineko Zergari buruzko abenduaren 27ko 13/1991 Foru Araueko 37.bi artikuluan aurrikusitakoaren arabera, herri-aurrezki planak gauzatzeko onesten diren eragiketak ez dira aurreko parrafoan adierazitako mugapenera loturik egongo.
Eragiketa horiek, aurrekontua finantzatzeko erabiltzen diren heinean Zortzat hartuko dira.
2. Finantza-Aktibo Jakinen Erregimen Fiskalari buruzko otsailaren 26ko 3/1991 Foru Arauean eta Pertsona Fisikoen Errentaren gaineko Zergaren Arautegiari buruzko otsailaren 25eko 21/1992 Foru Dekretuan aurrikusitakoaren arabera Foru Aldundiak jaulkitako finantza-aktiboak epe laburreko zorpetze eragiketatzat hartuko dira.
3. Artikulu honetan erregulatu diren eta Aurrekontua finantzatzeko ez diren finantza eragiketak, Ondare Kontabilitatean soilik erregistratuko dira, lortzen diren errendimendu garbiak Aurrekontuari aplikatzearen kaltetan gabe.